पात हिस्सी परेका डाँठमा पानी लागेको
दियो सङ्केत बिरुवाले जवानी लागेको
खुट्टा नउचालेरै निधारमै चुम्ने रहेछौ
फोटो हेर्दा त कति धेरै सानी लागेको
तिमीले चुम्बन गरेपछि मात्रै त हो नि
मलाई ऐना हेरिरहने बानी लागेको
केवल टोकरी थियो, धन्न तिमी बस्यौ
त्यै दिनबाट हो दिल फूलदानी लागेको
केही त बद्नियत छ मेरो छाँयाको
त्यसैले मेरोपछि जानीजानी लागेको
यही मुटु हो पटकपटक उत्खनन हुने
यही मुटु छ सबैलाई खानी लागेको।



साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
Scan गर्नुहोला
२० असार २०८३, शनिबार 










