उनले उठाएझै संगीन हात, मैले उठाउन सकिनँ
उनले चलाएझैँ युगीन कलम, मैले चलाउन सकिनँ

जलाए थुप्रै बस्तीहरू, जल्यो सय्यौँका मनहरू यहाँ
उनले रुझाएझैँ कलिन शब्द, मैले रूझाउँन सकिनँ

शासन त थुप्रैले गरेका छन्, इतिहासका पाना पल्टाउँदा
उनले समाएझै विद्रोहको राँको, मैले समाउन सकिनँ

नारा र सिद्धान्तले देश चल्दैन, चाहिन्छ व्यवहार राम्रो
उनले लगाएझैँ सम्पत्तिको धाक, मैले लगाउन सकिनँ ।