कल्पना पौडेल ‘जिज्ञासु’

चुनाव आउँदा घरगाउँमा राजनीति तुफान चल्छ
घोषणा पत्र एजेण्डामा देश निर्माणको बखान चल्छ

नारा जुलुस घन्काउँछन् गाउँ बस्ति चोकचोकमा
पार्टी बीचमा होडबाजी र प्रचारबाजी उठान चल्छ

झुक्याउनलाई दौडधुप गरिबका ती झुपडीमा
झुटा सिध्दान्तका चिप्ला भाषण रटान चल्छ

सत्ता भत्ता कुर्चिखेलमा बिगत त्यसै खेर फाली
खै त क्रान्ति ? त्यही सोधखोजको विधान चल्छ

इमानमा चल्न सके पाउँछन् विश्वास जनताको
हारजित कस्को भन्दै अभिमतको किटान चल्छ

खजुरा, बाँके