नयाँ वर्षको उपलक्ष्यमा
टाङ्गिएका छन् टोलमा
क्लबका नवयुवाहरूले
पैसा मागेर बनाएका
रक्सी र बियरका विज्ञापन छापेका
वातावरणलाई नफाप्ने फ्लेक्शका
केही तुलहरू

रङ उडेका अक्षरहरूमा
लेखिएका छन्
शुभकामनाका केही शब्दहरू
व्याकरण र हिज्जेले गिज्याइरहेका

नजिक गई हेर्दा देखेँ
मात्रै सालको अन्तिम एउटा अंक
छोपेर नयाँ टालेको रहेछ !

यो सत्य नै हो
नयाँ सालमा
नयाँ भनेको त्यति नै हो—
पुरानैमा अलि अलि
टालटुल गरेर बाँच्नु !

(नेपालभाषाबाट अनूदित)